穿越時空的少女 The Girl Who Leapt Through Time

監督：細田守 Mamoru Hosoda
片種:動畫
級別: I
日期:2007-08-23

《穿越時空的少女》是一套充滿青春氣息，而且故事情節出人意表的清新動畫，電影在日本上映時票房勁破1億，贏盡口碑！日本各方的潮流文化Icon，包括多媒體藝術家村上隆、恐怖小說大師乙一、《日本沉沒》電影導演樋口真嗣等均讚口不絕，《穿越時空的少女》迅即成為日本潮人朝拜聖物！另外在山本二三、青山浩行兩位宮崎駿動畫班底全力打造下，《穿越時空的少女》的畫功細緻淋漓，被喻為媲美宮崎駿作品！

紺野真琴是一個17歲的高二女生，和所有17歲的少女一樣，她以為可以和兩個男同學兼死黨功介和千昭永遠在一起……直至她得到「穿越時空」的能力。對於愛情，真琴本來充滿幻想和希冀，到愛情降臨身上時卻又不知所措──尤其是向她表白的人，竟是死黨千昭。為了維持好友關係，她選擇了以穿越時空的能力來迴避。但當發覺這竟令表白不成的千昭轉而與另一位同學拍拖，她又感到不是味兒……穿越時空的能力到底是禍是福？一個可一不可再的十七歲夏天，將為觀眾製造甜密又苦惱的回憶。

===================================

今天同叔叔去左電影中心睇左12:05pm呢場 , 係我泥講算早 , 得一間上...好在係近我屋企姐 , 成場得二十人唔夠 , 幾好好過多人嘈住哂 . 一開場女主角就好快有左穿越時空的能力 , 成套戲既節奏岩岩好 , 還有不少笑料 , 最好笑係唱k果度 , 個女主角好鍾意唱 , 係咁用穿越時空的能力番番轉頭再唱過 , 但佢竟然唔知道穿越時空的能力係有限制....係佢隻手度有個數字 , 當個數字變左0之後 , 就用哂 . 當佢用哂D穿越時空的能力係佢D無聊野度之後 , 發覺佢朋友的生命在旦夕 , 只要佢用多一次穿越時空的能力就可以救到佢 , 但以經太遲 , 因為呢件事 , 令佢發現左一件不敢相信既事 .........

最後個結局雖然係好簡單 , 只係交代左千昭要番番去未來 , 但佢最尾果下....係佢耳仔度講"我係未來等你"[一開頭以為係咀咀] , 又完結得唔錯 .